ads

ads
ads

अन्तरजातीय विवाहपछि दलित घरमा सामूहिक आक्रमण

विहिवार १७ वैशाख ।
कोहलपुर । सुनारको छोराले खड्का थरकी केटी भगाएको भन्दै केटीपक्षका आफन्तले कोहलपुर–२ स्थित सुनार घरमा सामुहिक आक्रमण गरेका छन् । अन्तरजातीय विवाह गरेकै निहुँमा केटी पक्षका आफन्तले घरेलु हतियारले आक्रमण गर्दा दर्जनौ व्यक्ति घाइते भएका छन् ।

कोहलपुर -२ विकासनगरका १८ वर्षीय जनक सुनारले स्थानीय ललिता खड्कासंग वैशाख १३ गते भागेर अन्तरजातीय विवाह गरेका थिए । सुनारले खड्काकी छोरी भगाएको भन्दै बुधबार राति नौ बजे केटी पक्षका आफन्तले सामुहिक आक्रमण गरेका थिए ।

आक्रमणबाट केटा पक्षका ३५ जना घाइते भएका छन्। घाइते मध्ये खगिसरासुनार गम्भीर घाइते भएकी छिन्। घाइते सुनारको नेपालगन्ज मेडिकल कलेज कोहलपुरमा उपचार भैइरहेको छ। उनकोे टाउँकोमा गम्भीर चोट लागेको छ ।

त्यसबोहक घाँटी र छातीमा समेत चोट रहेको छ । आक्रमणबाट केटाका आमा दुर्गा सुनार, आफन्त हिमा सुनार र निर्मला सुनारलाई चोट लागेको छ। कामीको छोरीले खड्काकी छोरी भगाएको भन्दै राति घरमै पसेर घरेलु हतियारले आक्रमण गरेको केटाकी आमा दुर्गाले बताइन् ।

दुई सयको संख्यामा आएका केटीका आफन्तले घरमा खोजी खोजी आक्रमण गरेको उनले भनिन्। केटा पक्षका विरेन्द्र शाह, सिङे शाही,टेकबहादुर शाही,जयराम छत्याल खगेन्द्र बाहुन, कपिन्द्र ठकुरी लगायतले आफूमाथि कुटपिट गरेको भन्दै पीडित परिवारले बिहिबार ईलाका प्रहरी कार्यालय कोहलपुरमा उजुरी दिएका छन् ।

उनीहरुले ज्यानमुद्दा र जातीय विभेद अनुसार कारवाही गर्न माग गरेका छन् । ईलाका प्रहरी कार्यालयका डिएसपी जनकबहादुर शाहीले पीडित पक्षबाट अन्तरजातीय विवाहकै कारण आक्रमण भएको भन्दै उजुरी सहित कारवाहीको माग गरिएको र आक्रमणमा संग्लनलाई पक्राउ गरिने बताए ।

पक्राउपछि घटनाको वास्तविकता अनुसन्धान हुने उनले भने। कुटपिटमा संग्लन एकजनालाई पक्राउ गरिएको उनले बताए। आँफूहरुमाथि सामूहिक आक्रमणपछि गाउँमा बस्न सक्ने अवस्था नरहेको भन्दै पीडित परिवार प्रहरी चौकीमा न्यायको माग सहित जम्मा भएका छन् ।

Powered by Blogger.