ads

ads
ads

भुलवश सेण्ड भएको ईमेल कसरी रद्द गर्ने ? गुगलको नयाँ फिचर

सूचना आदान–प्रदानका लागि कुनै जमानामा कटुवाल प्रथा, हाते चिठ्ठी, गाउँघरमा, परेवाको प्रयोग, आकाशवाणी, हुँदै अहिले इमेलको प्रयोग आधुनिक जीवनको हिस्सा नै बनेको छ । तर, यसको प्रयोग गर्दा कहिलेकाहीँ हैरानीमा पनि परिन्छ । झुक्किएर डकुमेन्ट गलत आइडीमा सेन्ड भइदिन्छ या आइडी सही हुँदाहुँदै पनि अर्कै फाइल परिदिन समेत सक्छ ।
 
अब यस्तो समस्याबाट जिमेल प्रयोगकर्तालाई केही राहत मिल्ने भएको छ । गुगलले इमेल ‘अनडु सेन्ड’ अर्थात् पठाएको डकुमेन्ट फिर्ता गर्ने वा रद्द गर्ने सिस्टम सार्वजनिक गरेको छ । तर, यो कार्य तुरुन्तै गर्नुपर्ने  हुन्छ ।


कसरी गर्ने रद्द ?

१. आफ्नो जिमेल लगइन गरिसकेपछि सबैभन्दा माथि दायाँपट्टि रहेको पांग्राजस्तो देखिने आइकनमा क्लिक गर्नुहोस् । त्यहाँ तपाईंले पाउने केही विकल्पमध्ये सेटिङ मेनुमा जानुहोस् ।

२. सेटिङ मेनुमा रहेको जनरल ट्याबमा प्रवेश गरेर क्लिक गर्नुहोस् । विभिन्न विकल्पहरू आउँछन् । त्यहाँ भेटिने "अन्डु सेन्ड" फिचरको अगाडि रहेको कोठामा क्लिक गरेर एक्टिभेट गर्नुहोस् ।

३. तपाईंले कुनै आइडीमा पठाएको इमेललाई अब कति समयमा अनसेन्ड गर्ने भन्ने विकल्पमा १० सेकेन्ड तोकिएको भेट्नुहुनेछ । तर, तपाईंलाई आफ्नो इच्छा अनुकूल ५ , १०, २० या ३० सेकेन्डको अवधि छान्न सक्नुहुनेछ ।

४. यो फिचर सुरु गरिसकेपछि अब तपाईंले कसैलाई इमेल गर्नुभयो, तर तत्कालै सच्याउनुपर्ने भयो भने जिमेल विन्डोको माथिपट्टि आउने पहेँलो बाकसमा दिइएको अनडु अप्सनमा क्लिक गर्नुहोस् ।

५. क्लिक गरेपछि सुरुमा इमेल गर्नुअघिको अवस्था अर्थात् कम्पोज इमेल खुल्नेछ । त्यसपछि तपाईंले आफूले पहिले पठाएको इमेल सुधार गरेर पठाउन सक्नुहुन्छ या इमेल नै रद्द गर्न पनि सक्नुहुन्छ ।
साभार
Powered by Blogger.